Ab Bhi Baaki Hai

May 12, 2014

Kuch kar guzarne ki chah abhi baaki hai,
Apni saanso ko jeene ki chah ab bhi baaki hai,
Apno ne akele chhor diya toh kya,
Anjaano mein apni pehchaan banane ki chah ab bhi baaki hai...

Dil kehta hai door kahin nikal jaaun sabhi se,
Shayed kisi morh pe khudko dhoond paaun kahin pe,
Mil jaaye kya pata, woh hansta hua kal wahin pe,
Failaaye they jo pankh aasmaan mein urne ko,
Chun loongi unhein, woh bikhre hain zameen pe,
Manzil paane ka safar tay kiya tha, uspe chalne ki raah ab bhi baaki hai,
Anjaano mein apni pehchaan banane ki chah ab bhi baaki hai...

Zindagi ne roz naya kuch dikhaaya hai,
Logo ne, jo badalte hain mausam ki tarah, thukraya hai,
Dhekhe they jo sapne maine, har chehre ne unka mazak uraaya hai,
Yeh hawa jo behti hui aati hai mere kal se,
Bas ek isne hi mera saath nibhaaya hai,
Nakaam hui toh kya, zindagi ka ek aur imtihaan dene ki chah ab bhi baaki hai,
Anjaano mein apni pehchaan banane ki chah ab bhi baaki hai...

- Simran Kankas
Views: 1678

Leave a Comment